Indeks
Laos samon ni ari, lopo ni si Badusen.
“Alaaaa … na jebu mada nangkin”, ning si Dapot, um na tolap do pe ibana tu lopo i, taro mangido kopi paet nia.
“Bo aha do da mangua?”, ning si Paet marsapa.
“Dung mulak mangguris ke au nangkini manjala”.
“Tarmera naa ?”
“Inda nian mera, kentong homang ulala songoni mangaroaisa. Dung do usampak, sampak pajoloon di Lubuk Parpangiran an torus tolap pahae mandonokkon musojitta i, aha pe taru so dong na pasuo. Nangkan ma jolo garing, cencen, tali-tali, sanga abaro, um aporas, sulum, siating, aruting, sanga lonjing um pe ma adong na sangkot di jalangki. Ngalina ulala ngada na boti-boti. I muse mantong, adong do nian uoban timbako, siaben i lupa musengma maroban loting sanga kayapi”.
“Anggo songon i na leam do dongan”, ning si Kolat.
“Painte dabo jolo, ke na so sidung do pe caritongku”, ning si Dapot mangalus, taro menyirup kopo nia i sansirup.
“Olo ba dongan, ulang le igotap obar ni dongan, pabulus ma lakna jolo, ulang dabo pajolo-joloon iba songon Jamonis”, ning si Badusen.
“Jadi nangkin, dung tolap au tu lambung musojitta i, ro ma di bagasan roangku, “Ah, anta dabo ngada dong rosokiniba sakali on, tarkaua i le muda na so git mangalehen do pe Tuhanta i”, ning roangku mangalabu. "Muda na so dapotan do pe sakali on diar ma landing do ma iba muli. Adopentong ning kamu, upasang ma doah na lanjang na i, usampak ma sampak pangabisan pas i toru rumpun ni bulu soma na murdung tu aek i …”.
“Sondia dontong ?" Ning si Paet.
“Bo, anggo sanoli i tarsongon na asing ulala rasona. Utarik erer piruntun ni jala i maturupuk do ma ulala, op ma i son !I! Sapala mandonokkon tu topi bondar doma uida gumaluta-galuta manguper-per-manguporpor. Uelai sada taro ubilang garing nangkinondi inda urang ning kamu tingon na 99 ikur. Na jebuna dapot muse do pe sada loting na sangkot boti di andul i. Jadi 99 itamba sada loting gonop laluna 100. Santampul dua lancim, santaba dua marobo, songon sindok ni natobang-tobang. Aeana na rambang-rambangon doma ulala igungku na so mangidup i. Usertek loting nangkinondi taru na manigor gara. Ima rupani anggo rasoki niba ngada nangkan tu dia”, ning si Dapot.
“Ah, na peto do dongan carito muyu i ?” Ning Jatopek pursaya so pursaya.
“Olo ba dongan, au pe da, anggo bolas do pangidoan ro dantong roangku sugari mamboto sanga doah aha do na ipasang muyu i !!” Ning si Paet.
“Asontong nga peto, saonok ni ari on iboto amu do na malim gurungku, ato he unjung ibege amu iba margabus. Anggo doah i do indantong i son i, ro amu tu bagas so upaboa di amu”. Ning ia.
“Ah, umna songon i ma ia he carito muyu i, hebatan dope aropku na urasoi na rian”, ning si Kolat, maradu adop ia do ma na salopo i.
“Sondia buse ?” Rap ningna be.
“Suada-suada ni karejo, taro maridi laos kotu luhur i, mandehe-dehe ma au ilambung karak na parjulu i lambung ni tapianta i. Pala ukahap i antara ni karak i tarahap au ma gulaen na godang, anggo di bagasan roangku ngada tu dia ngon na lima jari. Taintong so homang au taru na so sajo gulaen i, indantong manggurentak-gurentak, suang do ma na jibak diba gulaen i. Sapala uangkat tu ginjang, aha do, na ian sale do rupa na dapot au i. Boooo … madabu tama ulala, inda sabat be iba manyalesa”, ning si Kolat.
Rap marekelen dongan na salopo i umbegesa, na topek antong ning Jatopek pangateh ni si Kolat i. Anggo donganta si Dapot ipasuang-suang songon na binegesa, tai anggo dibagasan roana nga na tanggung holasna ila ia.
Uti-utian ni Jasinaloan (M. Bakhsan Parinduri), 2005.
“Alaaaa … na jebu mada nangkin”, ning si Dapot, um na tolap do pe ibana tu lopo i, taro mangido kopi paet nia.
“Bo aha do da mangua?”, ning si Paet marsapa.
“Dung mulak mangguris ke au nangkini manjala”.
“Tarmera naa ?”
“Inda nian mera, kentong homang ulala songoni mangaroaisa. Dung do usampak, sampak pajoloon di Lubuk Parpangiran an torus tolap pahae mandonokkon musojitta i, aha pe taru so dong na pasuo. Nangkan ma jolo garing, cencen, tali-tali, sanga abaro, um aporas, sulum, siating, aruting, sanga lonjing um pe ma adong na sangkot di jalangki. Ngalina ulala ngada na boti-boti. I muse mantong, adong do nian uoban timbako, siaben i lupa musengma maroban loting sanga kayapi”.
“Anggo songon i na leam do dongan”, ning si Kolat.
“Painte dabo jolo, ke na so sidung do pe caritongku”, ning si Dapot mangalus, taro menyirup kopo nia i sansirup.
“Olo ba dongan, ulang le igotap obar ni dongan, pabulus ma lakna jolo, ulang dabo pajolo-joloon iba songon Jamonis”, ning si Badusen.
“Jadi nangkin, dung tolap au tu lambung musojitta i, ro ma di bagasan roangku, “Ah, anta dabo ngada dong rosokiniba sakali on, tarkaua i le muda na so git mangalehen do pe Tuhanta i”, ning roangku mangalabu. "Muda na so dapotan do pe sakali on diar ma landing do ma iba muli. Adopentong ning kamu, upasang ma doah na lanjang na i, usampak ma sampak pangabisan pas i toru rumpun ni bulu soma na murdung tu aek i …”.
“Sondia dontong ?" Ning si Paet.
“Bo, anggo sanoli i tarsongon na asing ulala rasona. Utarik erer piruntun ni jala i maturupuk do ma ulala, op ma i son !I! Sapala mandonokkon tu topi bondar doma uida gumaluta-galuta manguper-per-manguporpor. Uelai sada taro ubilang garing nangkinondi inda urang ning kamu tingon na 99 ikur. Na jebuna dapot muse do pe sada loting na sangkot boti di andul i. Jadi 99 itamba sada loting gonop laluna 100. Santampul dua lancim, santaba dua marobo, songon sindok ni natobang-tobang. Aeana na rambang-rambangon doma ulala igungku na so mangidup i. Usertek loting nangkinondi taru na manigor gara. Ima rupani anggo rasoki niba ngada nangkan tu dia”, ning si Dapot.
“Ah, na peto do dongan carito muyu i ?” Ning Jatopek pursaya so pursaya.
“Olo ba dongan, au pe da, anggo bolas do pangidoan ro dantong roangku sugari mamboto sanga doah aha do na ipasang muyu i !!” Ning si Paet.
“Asontong nga peto, saonok ni ari on iboto amu do na malim gurungku, ato he unjung ibege amu iba margabus. Anggo doah i do indantong i son i, ro amu tu bagas so upaboa di amu”. Ning ia.
“Ah, umna songon i ma ia he carito muyu i, hebatan dope aropku na urasoi na rian”, ning si Kolat, maradu adop ia do ma na salopo i.
“Sondia buse ?” Rap ningna be.
“Suada-suada ni karejo, taro maridi laos kotu luhur i, mandehe-dehe ma au ilambung karak na parjulu i lambung ni tapianta i. Pala ukahap i antara ni karak i tarahap au ma gulaen na godang, anggo di bagasan roangku ngada tu dia ngon na lima jari. Taintong so homang au taru na so sajo gulaen i, indantong manggurentak-gurentak, suang do ma na jibak diba gulaen i. Sapala uangkat tu ginjang, aha do, na ian sale do rupa na dapot au i. Boooo … madabu tama ulala, inda sabat be iba manyalesa”, ning si Kolat.
Rap marekelen dongan na salopo i umbegesa, na topek antong ning Jatopek pangateh ni si Kolat i. Anggo donganta si Dapot ipasuang-suang songon na binegesa, tai anggo dibagasan roana nga na tanggung holasna ila ia.
Uti-utian ni Jasinaloan (M. Bakhsan Parinduri), 2005.
